قياس ١٧ آب ٢٠٢٦ · ٢,٥١١ منشأة سفر · ١٦٠ خانة صفحة أولى
من ١٦٠ خانة بأول صفحة جوجل لسوق السفر الأردني،
٣ بس لموقع وكالة أردنية.
سحبت أكبر ١٦ كلمة سفر بجوجل الأردن، وعدّيت مين ماسك كل خانة. ٧٢ خانة (٤٥٪) لمنصات عالمية: booking وskyscanner وwego وagoda. والباقي جهات حكومية وطيران وطني وسوشال.
السؤال مش ليش المنصات ماسكة. السؤال: شو الكلمات اللي ما بتنافسك عليها أصلاً؟
وين المعركة محسومة، ووين الأرض فاضية
| الكلمة | بحث بالشهر | منصات عالمية | وكالة أردنية |
|---|---|---|---|
| حجز طيران | ٨,١٠٠ | ٨ من ١٠ | ٠ |
| فنادق العقبة | ٦,٦٠٠ | ٨ من ١٠ | ٠ |
| تذاكر طيران | ٣,٦٠٠ | ٩ من ١٠ | ٠ |
| حجز تذاكر طيران | ٢,٩٠٠ | ٨ من ١٠ | ٠ |
| ارخص تذاكر طيران | ١,٦٠٠ | ٩ من ١٠ | ٠ |
| عنقود «دوّرلي على وكالة» | ٤,٨٦٠ | ٠ من ١٠ | ما انقاس |
الخمسة الأولى محسومة: تمانية وتسعة من كل عشرة لمنصات بميزانيات ما بتقارن. ما بنصح حدا يحارب فيهم، وأي حدا بيوعدك بأول مركز عليهم بيبيعك حكي.
والسطر الأخير مختلف: ولا منصة عالمية بتنافس عليه. لأنّ اللي بيكتب «مكاتب سياحة وسفر» قرّر إنه ما بده يحجز لحاله. هاد زبونك، وهاي أرضك.
وإشي غريب لفتني
بخريطة جوجل، ستّ وكالات أردنية بتطلع على «مكتب سياحة وسفر» و«شركات سياحة في الاردن»: مواكب، الشمس، دالاس، مونتانا، رفادة.
ولا وحدة من الستة طالعة بأول عشر نتائج على نفس الصفحة.
وفحصت أكبر تمان وكالات بالتقييمات ــ وحدة منهم عندها ٦,٣٢٤ تقييم ــ وولا وحدة ظهرت بأي خانة من الـ١٦٠. وبفحص العمق لمية نتيجة، أول ظهور كان مركز ١٦.
جوجل عارفهم كمنشآت. ما عارفهم كمحتوى.
خريطة الطلب الكاملة، مجاناً
١٥ مفهوماً بأرقامها: كم بحث على كل واحد، ونسبة تغطيته، وأربع مواسم مقيسة بيتغيّر فيها الطلب، ووين الفجوات اللي ما حدا واقف عندها. بتوصلك خلال ٢٤ ساعة.
وصلني طلبك
بجهّزلك الخريطة وبتوصلك خلال ٢٤ ساعة. وإذا استعجلت، رد على الإيميل اللي وصلك.
ما بشتغل مع وكالتين بيتنافسوا على نفس المسافر.
الأرض الفاضية اللي فوق ضيقة، ولو اشتغلت مع وكالتين عليها بصير أنا اللي بقرر مين فيهم بيكسب. وهاد مش شغلي.
الوكالة اللي بتاخد مكان، بتاخده لحالها.