افتح فرعك الثاني،
وشغّله من أول يوم.
الموقع بيستقبل، والسوشال بيوصّل الناس، والظهور بيلقط اللي بيدوّر عنك أصلاً. الثلاثة بينبنوا بنفس النافذة، فالشغل المتكرر بينحسم من السعر. ركّب تركيبتك تحت وشوف الرقم بينبني قطعة قطعة.
- ١٬٩٥٤تأسيس التركيبة المعيارية
- ١٬٢٣٣شهري بعدها
- ٤مراحل، كل وحدة بتشتغل لحالها
- ٢صفحتين انطلاق مجاناً
ليش الثلاثة، وشو بيعمل كل واحد
الموقع بيستقبل
الحملة بتودّي الناس على مكان. بلا موقع، بتودّيهم على صفحة سوشال ما بتقدر تبني عليها حسابات ولا دفع ولا بيانات بتضل ملكك. الموقع هو أرض الفرع.
السوشال بيوصّل
الموقع لحاله بيستنى حدا يوصله. الحملات بتجيب اللي ما بيعرفوك، وكل استفسار بيوصلك معلّم من وين إجا.
والظهور بيلقط اللي بيدوّر أصلاً
في ناس بتكتب اسم خدمتك بجوجل اليوم. هدول أقرب الناس للشراء لأنهم بيدوّروا هم، وبلا ظهور بيروحوا لغيرك.
وما بتدفعها مرة وحدة
أربع مراحل. كل وحدة بتسلّمك إشي شغّال بحاله، ولو وقفت عندها اللي انبنى ملكك وبيضل شغّالاً.
أكبر دفعة رح تشوفها: ١٬٥٩٧ دينار · والشهري بعدها ١٬٢٣٣ مقدماً
وهاي جاية معها
والعيب الصادق: بتدفع المراحل الثلاث الأولى قبل ما تشوف أول حملة شغّالة، وأول استفسار معلّم بمصدره بيجي واقعياً بعد شهر ونص لشهرين من التوقيع. عشان هيك بيجيك جدول أسبوع بأسبوع مع العرض، مش وعد بتاريخ.
وكيف بينبني الرقم
ليش سوا وليش مش واحدة واحدة
الثلاثة بيغذّوا بعض: الظهور بده صفحات، والصفحات بتنبني مرة، والحملات بتهبط عليها. ولما ينبنوا بنفس النافذة، الشغل المتكرر بينحسم من السعر مش من الجودة.
والفرق مش خصم
الفرق بين شرائها قطعاً وشرائها سوا ٥٧٦ ديناراً مرة وحدة و٦٠ شهرياً، وكل دينار منها إله سطر بيقول من وين إجا. حسم بلا سبب معناه إنّ السعر الأول كان مبالغاً فيه.
وما بتدفعها مرة وحدة
أربع مراحل، وكل وحدة بتسلّمك منتجاً شغّالاً بحاله. لو وقفت بعد أي مرحلة، اللي انبنى ملكك وبيضل شغّالاً.
أسئلة بتيجي قبل التوقيع
ليش ما آخذ الموقع بس وأشوف؟
تقدر، وهاد خيار صح لكثير من الحالات. الفرق إنّ الموقع لحاله بيستنى: بينبني وبيقعد ينتظر حدا يوصله. البكج بيبنيه وبيوصّلَه ناساً من أول شهر. لو ميزانيتك اليوم بتكفّي الموقع بس، خذ الموقع وخلّي الباقي لما يصير في مصدر ترافيك.
وإذا عندي موقع أصلاً؟
وقتها البكج ما بيناسبك بصيغته هاي، لأنّ تأسيس الظهور المخفّف (١,٠٠٠ بدل ١,٥٠٠) شرطه إنّ الموقع مبني عنا بالتزامن. عندك موقع قائم يعني بده قراءة وإصلاحات، وهاد شغل حقيقي بينسعّر بتقييمه. بنحكي فيه لحاله.
ميزانية الإعلانات جوّا الرقم؟
لأ، وهاد مقصود. ميزانية الإعلانات بتتدفع من بطاقتك على حسابك الإعلاني إنت، بسقف مكتوب بتشوفه بعينك. ما بمرّق مصاري إعلانات بحسابي وأرجع أفوترك إياها بهامش. وأرضيتها بتتغيّر حسب درجة السوشال اللي بتختارها، وبتبيّن بالحاسبة.
إمتى بشوف أول نتيجة؟
أول إشي بتشوفه بعينك بيجي مع النشر: موقع حي وأساس ظهور مكتمل بتقرير. وأول استفسار معلّم بمصدره بيجي واقعياً بعد شهر ونص لشهرين من التوقيع. عشان هيك بيجيك جدول أسبوع بأسبوع مع العرض، مش وعد بتاريخ. وما بوعد بترتيب بجوجل ولا بعدد مرضى ولا زوار.
وإذا بديت وحسّيت إنه كثير عليّ؟
المراحل الأربع مصمّمة لهاد بالضبط: كل وحدة منتج بيشتغل لحاله. توقّف بعد المرحلة الثانية ومعك موقع حي كامل على دومينك. توقّف بعد الثالثة ومعك أساس ظهور. اللي انبنى ما بينسحب.
بتشتغل مع منافسي؟
لأ. ما بشتغل مع منشأتين بيتنافسوا على نفس الزبون. اللي بيجي أول بياخد المجال.