استراتيجية تسويق
قبل ما تصرف دينار، بدك خطة تسويقية بتقلّك على مين وليش
أكثر سبب بيضيّع ميزانيات التسويق: إنك تبدأ تنفّذ قبل ما تجاوب على سؤالين، لمين بنبيع، وليش يشتري منّا هو مش من غيرنا. الاستراتيجية هي الجواب المكتوب على هالسؤالين، وكل اشي بعدها بينبني عليها.
أول خطوة تشخيص مجاني، بلا أي التزام.
إذا هاي حالتك، إحنا بنحكي عن نفس الإشي
- بتجرّب كل قناة تسويق وما في وحدة اشتغلت صح
- ما بتعرف مين عميلك المثالي بالضبط
- بتنافس بالسعر لأنه ما في سبب ثاني يخليهم يختاروك
- كل شهر خطة جديدة لأنه ما في خطة أصلاً
شو بتاخد بالضبط
- تحليل سوق ومنافسين حقيقي، مين بيعمل شو وشو الثغرة
- تحديد الجمهور بدقة
مين، وين، شو بيوجعه، وشو بيوقفه عن الشراء
- بناء العرض والرسائل
ليش انت مش غيرك بجملة يفهمها العميل
- خريطة رحلة العميل من أول ما يسمع فيك لحد ما يدفع
- خطة قنوات بأولويات وميزانية مقترحة وأرقام مستهدفة
- ملف مكتوب بتقدر تنفّذه لحالك أو تسلّمه لأي حدا
وشو اللي ما بتحلّه لحالها؟
للصراحة: استراتيجية تسويق لحالها مش بالضرورة بتحل مشكلة البيع. التسويق شبكة مترابطة، وكل حلقة بتقوّي اللي بعدها. هاي الحلقات اللي بتشتغل مع هاي الخدمة، وليش:
شغل حقيقي مش كلام
أسئلة بتيجي دايماً
شو الفرق بين الاستراتيجية وخطة المحتوى؟
الاستراتيجية بتجاوب «لمين وليش وبأي رسالة». خطة المحتوى بتجاوب «شو ننشر ومتى». الثانية بتنبني على الأولى، ولما الناس تبدأ بخطة محتوى بلا استراتيجية، بينشروا كثير وما بيبيعوا.
بتنفّذ الاستراتيجية ولا بس بتكتبها؟
الاثنين متاحين. في عملاء بياخدوا الملف وينفّذوه بفريقهم، وفي عملاء بكمّل معهم التنفيذ. وبقولها بصراحة: الملف اللي بيقعد بالدرج ما إله قيمة، فإذا ما عندك من ينفّذ خبرني من البداية.
قديش بتاخد؟
من أسبوعين لأربعة، وأغلب الوقت بيروح على البحث والمقابلات مش الكتابة. بحتاج منك وصول لأرقامك الحقيقية وجلسة أو جلستين معك، بدونهم بيصير الملف عام وما إله قيمة.
لعبة قصيرة
ارسم عميلك
جاوب زي ما بتجاوب أي شركة: مين جمهورك؟ وبعدين خلينا نرسم عميلك الحقيقي سؤال سؤال، وشوف الفرق بين شريحة إعلانية وشخص بتعرف شو تقله.
خلينا نبلش بالطريقة اللي الكل بيعرّف فيها جمهوره:
تمام، هاد وصف بينطبق على مئات آلاف الأشخاص. سؤال واحد: شو بتعرف عن أي واحد منهم بيساعدك تبيعله؟ ...ولا معلومة. العمر والمكان بيحددوا مين بيشوف إعلانك، بس ما بيكتبوا ولا كلمة فيه.
شوف الفرق
الاستهداف المعتاد
البيرسونا اللي رسمتها
الوصف الأول بيقلك مين ممكن يشوف إعلانك. الوصف الثاني بيكتبلك الإعلان نفسه: المشكلة اللي بتفتح فيها، الخوف اللي بتطمنه، الاعتراض اللي بتجاوب عليه قبل ما ينسأل، والجملة اللي بتوقف السكرول. هاد الفرق بين تحكي عن شريحة وتحكي مع شخص.
هاي بيرسونا من خيارات جاهزة للتوضيح. البيرسونا الحقيقية لمشروعك بتنبني من محادثات زباينك الفعليين، ومن أسئلتهم بالمسجات، ومن سبب آخر ثلاث مبيعات صارت.
هلأ ارسمها لمشروعك إنت
اللي فوق كان تدريب بخيارات جاهزة. اكتب سطر عن مشروعك إنت — شو بتبيع ولمين — و«نبض»، مساعدي الذكي، بيرسملك مسودة أولى لبيرسونا زبونك.
بيرسونا زبونك — مسودة أولى
رسمها «نبض» — مساعد ريّان الذكي — من وصفك بس، بلا ما يشوف حساباتك ولا زباينك. البيرسونا الحقيقية بتنبني من محادثات زباينك الفعليين.
ابدأ مشروعك
احكيلي عن مشروعك
ثلاث خطوات قصيرة، وبرجعلك خلال ٢٤–٤٨ ساعة برأي واضح: شو بينفع، شو ما بينفع، ومن وين نبدأ.
- 01 الخدمة
- 02 المشروع
- 03 التواصل
اختار كل اللي بينطبق عليك.
ما بشارك تفاصيل مشروعك مع حدا. بترجعلك مني شخصياً.
خدمات ثانية
موقع إلكتروني
موقع بيشتغل، مش بس بيبيّن حلو
إعلانات مدفوعة
إعلانات ممولة على ميتا وجوجل، بميزانية بتعرف وين راحت
تحسين محركات البحث
تطلع لما حدا يدوّر عن شغلك
هوية بصرية
لوجو ونظام كامل بتقدر تشتغل فيه
إدارة سوشال ميديا
حساب بيبني جمهور، مش بيعبّي فراغ
مونتاج فيديو
ريلز وإعلانات بتوقّف الإصبع
استشارة أو تدريب
تتعلّمها بنفسك بدل ما تدفع كل شهر
تحليل البيانات
تعرف شو بيشتغل قبل ما تصرف أكثر
وكلاء ذكاء اصطناعي وأتمتة
شغل بيعيد نفسه كل يوم، خليه ينعمل لحاله
RAYAN ELWATHIQ