قياس ١٦ آب ٢٠٢٦ · ١٩٣ عيادة · ١٢ إجراء

١٢,٢٨٠ أردني بيدوّروا على أسنانهم كل شهر.
إنت شايف منهم كم؟

قِست سوق البحث لقطاع الأسنان بالأردن كله: كل إجراء، بكم بيبحث عنه الناس فعلاً، ومين ماسك النتيجة، ووين الباب اللي ما حدا واقف عنده.

تخيّل لو عرفت هاي الأرقام قبل ما تصرف دينار على إعلان، وقبل ما تكتب كلمة بموقعك.

الطلب مقابل العرض

الإجراء	بحث/شهر	تغطية القياس	عيادات بتذكره
اللثة	٤,٤٣٠	٧٥٪	٢١ من ١٩٣
التقويم	٣,١٤٠	٥٦٪	٧٣ من ١٩٣
التلبيس والفينير	١,٦٧٠	٣٨٪	٤٦ من ١٩٣
الوجع والطوارئ	١,٦٦٠	٦١٪	٧٧ من ١٩٣
ضرس العقل	١,٤٧٠	٥٠٪	١٥ من ١٩٣
التبييض	١,١٧٠	٦٩٪	٣٦ من ١٩٣
التنظيف والجير	٨٠٠	٥٩٪	١١ من ١٩٣
الزراعة	٧٠٠	٣٦٪	١١٩ من ١٩٣

«تغطية القياس» يعني كم من صيغ الكلمة رجّع جوجل عنها بيانات. الباقي ما عندنا عنه قياس، مش إنه ما في طلب. يعني كل رقم فوق أرضية، والحقيقي أعلى.

والصفوف المعلّمة فجوات: طلب موجود وعدد قليل من العيادات واقف عنده.

أغلى نقرة إعلانية بالقطاع هي الزراعة: ٤.٩٠ دولار للنقرة، يعني قريب ٣.٥ دينار قبل ما يحكي معك ولا مريض. و٦٢٪ من العيادات بتتنافس عليها.

وبالطلب المقاس، الزراعة رابع من الآخر من ١٢ إجراء.

أغلى معركة بالسوق على أضيق باب. وفي أبواب أوسع، وما حدا واقف عندها.

١٢ إجراء بكل تفاصيلها: الكلمات اللي بيبحث فيها الناس فعلاً، ووين الفجوات، ومين ماسك النتيجة الأولى. بتوصلك خلال ٢٤ ساعة.

مش لأني مش فاضي، بل لأني ما بقدر أشتغل مع عيادتين بيتنافسوا على نفس المريض. لو عملتها، بصير أنا اللي بقرر مين فيهم بيكسب. وهاد مش شغلي.

العيادة اللي بتاخد مكان، بتاخده لحالها.