إدارة سوشال ميديا
الحضور اليومي اللي بيبني الثقة، بس بنظام: كل بوست إله وظيفة برحلة العميل، مش نشر عشان النشر.
صفحة الخدمة كاملةبكج
النمو الشهري
لمشروع أساسه جاهز وبده حركة ونتائج مستمرة
المشكلة بالشغل الشهري المعتاد إنه قطع متفرقة: حدا بيصمم، حدا بيبوّست، وحدا «بيعمل بوست ممول»، وكل واحد بوادي. هاد البكج بيشغّل الثلاثة بإيقاع واحد: المحتوى بيبني الثقة، الفيديو بيمسك الانتباه، والإعلان بياخد أحسن اللي اشتغل وبيوصله لناس جداد. وكل شهر بيسكّر بأرقام بتقرر شو منعمل الشهر الجاي، مش بتقرير لايكات.
احجز جلسة تشخيص
أسعار المواقع منشورة بالحاسبة، وسعر الباقة بيطلع من تشخيص مشروعك، مكتوب بنطاق واضح، وثابت بعد الاتفاق.
شو جوّاه، وليش كل قطعة بالذات؟
مونتاج فيديو
الريلز هي وقود الوصول اليوم، وأول ثانيتين بيقرروا كل شي. مونتاج مبني على رسالة، مش على موضة.
صفحة الخدمة كاملةإعلانات مدفوعة
التعزيز الذكي بياخد أحسن محتواك وبيحطه قدام جمهور جديد مستهدف، بدل ما يضل يلف على نفس المتابعين.
صفحة الخدمة كاملةمحتوى بيبني ثقة، فيديو بيوقّف الإصبع، وإعلانات بتوسّع الوصول، بإيقاع شهري واحد وقياس واحد.
هاد البكج إلك إذا...
- أساسك جاهز (هوية وموقع أو حساب مرتب) وبدك حركة مستمرة
- عندك مبيعات بس واقفة عند سقف ومش عارف ليش
- تعبت من شركات بتبعت تقرير لايكات آخر الشهر
ومش إلك إذا...
- ما عندك هوية ولا موقع، بلش بالبداية الصح، وإلا منصرف عالإعلان مرتين
- بدك «فايرال» وأرقام خيالية بأسبوع، الثقة بتنبنى بإيقاع مش بضربة حظ
كيف بيبلش؟
-
جلسة تشخيص
منفهم مشروعك وسوقك ووضعك الحالي — وبنعرف إذا هاد البكج فعلاً أنسب شي إلك ولا في أصح منه.
-
نطاق مكتوب
شو بالضبط رح ينعمل، بأي جدول، وبكم — كل شي عالورق قبل ولا قرش.
-
تنفيذ بإيقاع
شغل بجدول واضح بتعرف فيه شو صار وشو الجاي — مش «قاعدين نشتغل».
-
قياس وقرارات
أرقام بتوصلك بلغة مفهومة، وقرارات الشهر الجاي بتنبنى عليها.
أسئلة بتنسأل
شو بيوصلني كل شهر؟
خطة الشهر بأوله، تنفيذ بإيقاع ثابت، وبآخره أرقام بتنقرا: شو اشتغل، شو لأ، وشو منغيّر. التقرير عنا قرارات مش لايكات.
مين بيرد عالرسائل والتعليقات؟
صوت مشروعك بيضل صوتك: أنا بجهّز القوالب والنبرة، والإعلانات بتودّي كل استفسار على واتسابك مباشرة معلّم بمصدره. الرد بإيد فريقك لأنه أدرى بزباينك، وأنا بقيس وبحاسب حالي عالأعداد.
متى بشوف نتائج؟
أول شهر بيبني البيانات والاتجاه، ومن الثاني بتبلش القرارات المبنية عالأرقام تبين. اللي بيوعدك بنتائج من أول أسبوع، اقرأ مقالتي عن ضمان المبيعات.
ملاحظة صريحة: ما في بكج بيضمن مبيعات. اللي بيضمنه هاد البكج إنه كل قطعة بتشتغل مع أختها، بدل ما تدفع على قطع متفرقة ما بتحكي مع بعض.
جاهز نشوف إذا هاد بكجك؟
احكيلي عن مشروعك — وإذا طلع بالتشخيص إنه بكج ثاني أنسبلك، بحكيلك بصراحة.